Një person ka humbur jetën ditën e sotme në Fier, pasi makina të cilën drejtonte ka dalë nga rruga duke përfunduar rreth 50 metra në humnerë.
Kanë qenë banorët e zonës ata që kanë lajmëruar policinë paraditen e sotme, pasi konstatuan makinën në ujë. Pas mbërritjes, u konstatua se drejtuesi i makinës – i cili nuk është identifikuar ende – kishte vdekur, ndërsa nuk dihet nëse ka pasur persona të tjerë brenda apo shoferi ka qenë vetëm.
Efektivët e policisë së bashku me banorët e zonës janë përpjekur për të nxjerrë makinën nga lumi Gjanica duke e tërhequr me litarë.
Sakaq, po punohet për zbardhjen e plotë të rrethanave dhe shkaqeve të aksidentit. /e.s/
