Trupi i pajetë i një 80- vjeçari është gjetur ditën e sotme në një kanal uji në Fier në aksin rrugor Fier- Seman, pranë vendit të quajtur “Qenas”. Trupi i pajetë i 80- vjeçarit A.D është gjetur rreth orës 10:00 të paradites të sotme, ndërsa gjatë këqyrjes së trupit nuk janë konstatuar shenja dhune.
Sipas informacioneve të para nga policia, 80- vjeçari kishte probleme të vazhdueshme me tensionin. Blutë e Fierit bëjnë me dije se janë duke punuar për zbardhjen e plotë të rrethanave të ngjarjes.
Njoftimi i policisë:
Në datën 12.12.2017, rreth orës 10:00, në aksin rrugor Fier–Seman, në vendin e quajtur “Qenas”, në një kanal me ujë është gjetur pa jetë shtetasi, A.D, 80 vjeç, banues në Fier.
Nga kqyrja paraprake e kryer nuk u konstatuan shënja dhune.
Shtetasi A.D kishte probleme të vazhdueshme me tensionin.
Grupi hetimor po punon për zbardhjen e plotë të rrethanave të ngjarjes.
ma.me
