Një zjarr me përmasa të mëdha ka rënë në një magazinë bojërash në Fier.
Ngjarja është shënuar rreth orës 13:30, në zonën e quajtur “Azotiku”, në një magazinë me bojëra të marrë me qira nga E.H., ku ka rënë zjarr.
Si pasojë e flakëve nuk ka dëme në njerëz, ndërkohë që në pamje dëgjohen britma njerëzish të cilët tentojnë të vendosin situatën nën kontroll.
Ndërkohë në vendngjarje ka shkuar zjarrfikësja dhe shërbimet e policisë të cilat po bëjnë të mundur shuarjen e zjarrit.
Grupi hetimor po punon për zbardhjen e shkakut të rënies së zjarrit. /a.r
