Familjarët kanë tërhequr nga trupat e dy kushërinjve që humbën jetën mëngjesin e sotëm si pasojë e një aksidenti në fshatin Varibop te Fierit. Dy kushërinjtë Fisnik e Agustin Murataj si dhe një shtetase franceze Naza Aham, e fejuara e Fisnikut po ktheheshin nga dasma e vëllait të këtij te fundit kur mjeti me të cilin udhëtonin tip ‘Suzuki’ ka rënë në një kanal dhe për pasojë janë mbytur të tre. Viktimat mendohet të jenë nga fshati Kute.
Ndërkohë trupi i vajzës 34-vjecare me origjinë franceze është ende në morgun e spitalit të Fierit. Trupi do transportohet drejt morgut të Tiranës dhe pas ekspertizës do mundësohet transportimi për në Francë.
NGJARJA:
Aksidenti tragjik me 3 jetë të humbura u shënua mëngjesin e sotëm rreth orës 08:10 në aksin Levan-Tepelenë, ku 2 kushërinjtë Fisnik e Agustin Murataj si dhe një shtetase franceze Naza Aham, e fejuara e Fisnikut, ktheheshin nga dasma e vëllait të ketij te fundit. Automjeti tip “Suzuki” me targa greke IHZ 1755 që drejtohej nga Fisnik Murataj përfundoi në një kanal në anë të rrugës pranë fshatit Varibop, dhe fatkeqësisht 3 të rinjtë u mbytën në ujërat e tij.
Ishin banorët e zonës ata që panë në mëngjes mjetin i cili besohet se kishte qëndruar ne kanal për disa orë. Trupat e dy kusherinjve u gjeten brenda automjetit, ndersa jashët tij, ne ujerat e kanalit u gjet trupi i 34 vjecares franceze.
ma.me
