Në rubrikën “Komenti i Ditës”, nga Dritan Hila në Dritare TV u diskutua lidhur me protestën e mbajtur nga Ilir Meta dhe mesazhin që jepte pjesëmarja e ulët e qytetarëve për opozitën.
Nëpërmjet një analize, zoti Hila, tregoi arsyet që kishin çuar në këtë nivel të ulët pjesëmarrjeje dhe përçarjen e opozitës që kjo protest sinjalizoi, çka tregoi një krisje të raportit Berisha-Meta.
“Protesta tregoi një përçarje të opozitës. Protesta tregoi që edhe ata që në prag të fushatave elektorale shfaqen si fytyra të reja, shohim që nuk janë gjë tjetër veçse njerëz të cilët paguhen nga partitë politike për të shfryrë kauzat opozitare. Vendi po përballet me një valë emigrimi dhe një nga arsyet shumë të mëdha është fakti se opopzita nuk ngjall shpresë. Ne pamë që rikthimin e shpresës kërkon ta bëjë Sali Berisha, i cili ka ardhur tre herë në pushtet, në vitin ‘92, 2005 dhe 2009. Çfarë kishte për të bërë e bëri. Ishte Ilir Meta, i cili thotë që do luftojë korrupsionin, pasi e di që kjo është një pikë shumë e ndjeshme për shqiptarët, por Meta nuk është figura e duhur për ta bërë këtë. E këtu nis edhe problemo, sepse ata që ikin nuk shohin shpresë as tek opozita. Janë edhe pastaj këto fraksionet, këto partitë stinore që krijohen 6 muaj para zgjedhjeve dhe pastaj përfundojnë në rrogëtarë të bzinesmenëve dhe të partive poltike. Ne jemi edhe një popull politik. Shikueshmëria që shqiptarët u bëjnë emisioneve politike është shumë e lartë në krahasim me vende të tjera si psh italia. Sepse janë shumë të fokusuar tek politika, e në fund aty mbajnë dhe shpresat. E një opozitë e tillë patjetër që nuk u ngjall shpresë shqiptarëve”, u shpreh Zoti Hila.
/e.d
