Kur kanë mbetur edhe dy javë nga përfundimi, Feyenoord duket shumë pranë fitimit të titullit kampion në Hollandë.
Ekipi i drejtuar nga Van Bronckhorst fitoi 0-2 në transfertën ndaj Vitesses dhe u ngjit në kuotën e 79 pikëve, por dhuratën më të madhe ua bëri PSV, e cila mposhti Ajaxin e vendit të dytë.
Tani Ajax ndodhet 4 pikë pas Feyenoord dhe këtyre të fundit do t’ju mjaftojë vetëm një fitore në dy takimet e mbetura, për të fituar titullin kampion.
Në dy javët e ardhshme, Feyenoord do të luajë në transfertë ndaj Excelsior dhe më pas do të presë Heraclesin në javën e fundit, dy ekipe të mesit të renditjes, që nuk kanë më objektiva për këtë sezon.
Hera e fundit që Feyenoord ka fituar titullin kampion, ka qenë në sezonin 98-99, ndërsa në total e ka fituar 14 herë dhe është shumë pranë titullit të 15.
c.a
