Dy futbollistët shqiptarë të Zvicrës Taulant Xhaka dhe Xherdan Shaqiri do të dënohen me 10 mijë franga gjobë ndërsa Lichtsteiner me 5 mijë franga pasi bën simbolin e shqiponjës me duar pas shënimit të glave ndaj Serbisë.
UEFA thotë se ata kanë shkelur rregullat e Fair Play por siç ka arsyetuar vendimi, fetsa e tyre ishte spontane dhe lidhet me historinë e tyre.
Ata do të vazhdojnë të luajnë dhe nuk ka vendim për pezullim. Ky vendim i jep fund shpresave të Serbisë për dënim të ashpër ndaj shqiptarëve.
Argumentimi i FIFA-s:
Për shkak të shkeljeve të nenit 57 të kodit disiplinor të FIFA-s, dhe sjelljeve josportive në kundërshtim me fair-play gjatë festimit të golave në takimin Zvicër – Serbi, lojtari Granit Xhaka dënohet me 10 mijë franga zvicerane, Xherdan Shaqiri dënohet me 10 mijë franga zvicerane (CHF), dhe Stephan Lichsteiner me 5 mijë CHF.
Federata e Futbollit Serb është dënuar me 54 mijë CHF dhe tërheqje të vërejtjes për shkak të shfaqjes së flamujve me mesazhe diskriminuese dhe hedhje të objekteve në fushë nga ana e tifozëve serbë.
Kryetari i Federatës së Serbisë, Slavisa Kokeza dhe selektori Mladen Krstajic për shkak të shkeljes së kodit disiplinor, gjegjësisht dhënies së deklaratave në kundërshtim me këtë kod, dënohet me nga 5 mijë CHF dhe vërejtje publik.
/a.m.
