Festivali muzikor Atroworld ka nisur që nga ditën e premten dhe organizohej nga reperi dhe producenti Travis Scott. Ky ishte viti i tretë i festivalit dhe 50,000 njerëz ishin mbledhur në NRG Park, por gjithçka u kthyer shumë shpëjt në një tragjedi.
Sipas Nbcnews, tetë persona kanë vdekur pasi një ankth apo panik kolektiv kapi turmën gjatë festivalit muzikor Astroworld në Hjuston, Teksas.
Më shumë se 300 njerëz u trajtuan të premten në një spital në terren dhe 23 u transportuan në spitale të tjerë, përfshirë ketu 17 persona të cilët u dërguan pas përplasjes, thanë zyrtarët e Houston. Njëmbëdhjetë persona të cilët u transportuan me ambulancë drejt spitaleve kanë pësuar arrest kardiak.
“Rreth orës 21:15 turma filloi të ngjeshej drejt pjesës së përparme të skenës. Kjo shkaktoi panik dhe disa njerëz u lënduan. Njerëzit filluan të binin, të humbnin ndjenjat dhe kjo e shtoi akoma më shumë gjendjen e panikut” tha shefi i zjarrfikësve Samuel Peña në një konferencë shtypi të shtunën.
Shumë njerëz u plagosën ndërsa pjesëmarrësit e festivalit nxituan drejt hyrjes, tha policia e Hjustonit. Shefi i policisë së Hjustonit, Troy Finner, u bëri thirrje njerëzve të mos spekulojnë për atë që ndodhi, por tha se çështja ishte nën hetim.
“Ne nuk e dimë çfarë ndodhi. Por ne do ta zbulojmë. Lutuni për këto familje”, tha ai.
g.kosovari
