Atmosfera e festave te fundvitit, përfshiu Drejtorinë Vendore të Policisë së Tiranës.
Babagjyshi i dhuratave gëzoi vogëlushët e dëshmorëve të uniformave blu, që ranë në krye të detyrës, në nder të sakrificës së tyre sublime.
Drejtuesit e policisë e cilësuan këtë këtë si një moment reflektimi dhe mirënjohje për efektivët që dhanë kontributin e tyre për rendin në vend.
“Vlera më e madhe e organizatës sonë është jehona e sakrificës sublime të dëshmorëve të Policisë së Shtetit. Vepra e tyre jehon ndër vite dhe të jeni të bindur që ata nuk ju mungojnë vetëm juve, por dhe organizatës për të cilën ata dhanë jetën. Faleminderit që jeni sot këtu! Pa dyshim që ju jeni pjesë e jona. Ju uroj festa të gëzuara, shëndet dhe mbarësi në familje. Gëzuar!”.
“Mirënjohjeje për ata që dhanë më të shtrenjtën, jetën e tyre, në shërbim të sigurisë publike. Ne jemi dhe do të jemi gjithmonë pranë familjeve të tyre, jo vetëm me detyrim institucional, por me përkushtim dhe respekt të thellë për sakrificën e tyre”.
Atmosfera e festave, përfshiu gjithashtu edhe drejtoritë e qarqeve në vend, për të qenë në këtë përiudhë pranë familjarëve dhe fëmijëve që kanë humbur më të dashurit e tyre./abcnews.al
