Ministrja e Shëndetësisë, Ogerta Manastirliu dhe ministrja e Financave, Delina Ibrahimaj kanë njoftuar sot se familjet me ndihmë ekonomike dhe pensionistët do të marrin shpërblim për fundvit.
“Sot qeveria ka marrë një vendim të rëndësishëm, për paketën e solidaritetit ku kjo paketë mbështet një sërë kategorish të veçanta. Janë rreth 72 mijë individ që do të përfitojnë shpërblime të fundvitit fondi që qeveria shqiptare do të vë në dispozicion është rreth 4 milionë Dollarë”, tha ministrja e Shëndetësisë.
Ndërkohë ministrja e Financave, Ibrahimi, u shpreh se edhe pensionistet do të përfitojnë bonus për fundvit.
“Në mbledhjen e qeverisë miratuan projekt vendimin për shpërblimet e të gjithë kategorive të pensionistëve. Janë 40 milionë Dollarë që do të alokohen për pensionistët, për personat me aftësi të kufizuara dhe familjet në nevojë”, tha Ibrahimi.
Bëhet fjalë për shumën 3 mijë lekë që do të shkojë për çdo familje që merr ndihmë ekonomike dhe ato që kanë persona me aftësi të kufizuara. Ndërkohë pensionistët do të marrin bonusin prej 5 mijë lekësh.
Lajmi është bërë i ditur nga Drejtoresha e Përgjithshme e Buxhetit në Ministrinë e Financave dhe Ekonomisë, Mimoza Dhëmbi.
“Përveç bonusit prej 5 mijë lekësh për pensionistet, këtë vit do te jepet bonus prej 3 mije lekësh për familjet me ndihme ekonomike dhe për familjet që kanë persona me paaftësi. Vendimi pritet të miratohet sot në qeveri. Deri më tani nuk ka vendim për shpërblim për administratën”, tha ajo.
g.kosovari
