Ministrja e Financave dhe Ekonomisë, Anila Denaj ishte sot pranë familjeve dhe fëmijëve të akomoduar pas tërmetit të 26 nëntorit në hotel “Diamma Resort”, Golem për të festuar së bashku me to festat e Fundvitit.
Ministrja shprehet se kurajo e tyre post tërmetit na inspiron të gjithëve dhe se ne nuk mund të zgjedhim për rrethanat tona të jashtme, por ne gjithmonë mund të zgjedhim se si t’ju përgjigjemi atyre.
Gjithashtu ministrja ka uruar që viti 2020 të vij i mbarë për të gjithë dhe shton se solidariteti dhe mbështetja jonë sot shkon për këta njerëz që humbën shtëpitë nga tërmeti i 26 nëntorit.
“Me familjet dhe fëmijët që me kurajon e tyre post tërmet na inspirojnë. Ne nuk mund të zgjedhim për rrethanat tona të jashtme, por ne gjithmonë mund të zgjedhim se si t’ju përgjigjemi atyre”, tha Denaj.
“Ndaj solidariteti dhe mbështetja jonë sot shkon për këta njerëz që humbën shtëpitë nga tërmeti i 26 Nëntorit”, u shpreh ministrja.
Denaj në fund falenderoi dhe hotelet për mikpritjen e tyre dhe për organizmin e momenteve festive për familjet dhe fëmijët e prekur nga tërmeti.
“Falenderim për të gjithë hotelet për mikpritjen dhe në veçanti për “Diamma Resort” për organizimin e këtyre momenteve festive”, përfundoi Denaj.
g.kosovari
