Policia e Holandës njoftoi se së paku dy persona ndërruan jetë dhe tre të tjerë janë plagosur, në periferinë e Roterdamit të shtunën në mbrëmje, kur një kamion ka dalë nga rruga, në momentin që qytetarët bënin barbekju në natyrë.
Aksidenti ndodhi mbrëmjen e së shtunës, kur kamioni, me targa spanjolle, doli nga rruga në Zvingjincedik, rreth 30 km në jug të Roterdamit.
“Kamioni u përplas me një turmë njerëzish që merrnin pjesë në një barbecue të organizuar në lagjen e tyre”, tha policia e Roterdamit në një postim në rrjetet sociale.
Një oficer policie, i pranishëm në vendngjarje tha se së paku dy persona ndërruan jetë. Ai shtoi se policia është në vendngjarje dhe po heton gjithë ngjarjen.
Fotot e marra pas aksidentit lejuan të identifikohej se kamioni i përket kompanisë El Mosca, me seli në Spanjë. Shoferi i kamionit, i cili nuk pati dëmtime, u arrestua.
Deri tani nuk ka dyshime për ndonjë sulm të dyshuar me baza terrori, por hetuesit vijojnë përpjekjet për të zbardhur çdo gjë që ndodhi.
g.kosovari
