Me rastin e 28 nëntorit, ditës së flamurit, në qytetin e Vlorës është zhvilluar një ceremoni e veçantë për ngritjen e flamurit kombëtar.
Në këtë ceremoni merrnin pjesë presidenti i Republikës Ilir Meta, kryeministri Edi Rama, kreu i Kuvendit Gramoz Ruci si dhe personalitete të tjera të politikës.
Presidenti Meta dhe kryeministri Rama zhvilluan homazhe dhe vendosen kurora me lule në monumentin e pavarësisë. Pjesë e homazheve ka qenë edhe zv/kryeministri i Kosovës, Behgjet Pacolli
Ndërkohë PD ka zhvilluar homazhe tek varrezat ‘Dëshmorët e Kombit’ në Tiranë.
GJatë fjalës së tij Basha uroi shqiptarët dhe refuzoi t’u përgjigjet gazetarëve rreth kërkesës së Gjermanisë për t’u kthyer në Kuvend.
“Gëzuar nga zemra gjithë shqiptarëve në ditën e flamurit dhe atë të çlirimit. Sot përulemi para Skënderbeut flamuri kuq e zi që u ngir në shtëpinë e tyre në 28 Nëntor 1443, përulemi para Ismail Qemaliut, përulemi para Ushtrisë Nacional Çlirimatre që u flijuar për çlirimin, përulemi para komandantit Legjendar Adem Jashari i cili ka ditëlindjen sot. E konsideroj ditën e sotme si një ditë ftese për të gjithë shqiptarët në një betejë për të garantuar liritë e tyre siç shkruhet në kushtetutë”, tha Basha
106 vjet shtet i pavarur
Ismail Qemali, bashkë me patriotë të tjerë dhe atdhedashës zgjodhën këtë datë për të ngritur flamurin dhe për të shpallur Pavarësinë e Shqipërisë. Kjo datë është quajtur si “nëntori i dytë”, pasi këtë datë zgjodhi edhe Heroi ynë Kombëtar Gjergj Kastriot Skënderbeu për Clirimin e Krujës në 28 nëntor 1443.
a.ç
