Një ditë pas ngjarjes në Astir, ku 21-vjeçarja Sajma Qordja alarmoi policinë duke thënë se ishte rrëmbyer, katër djem janë shpallur në kërkim.
Ata kanë qenë në apartament së bashku me tre vajza, përfshirë edhe 21-vjeçaren një natë para ngjarjes dhe kanë konsumuar kokainë. Mes tyre ishte edhe i dashuri i Sajma Qordjes, Joni Sadikaj.
Katër djemtë që po kërkohen nga policia janë nga Vlora dhe sipas burimeve, janë me precendentë të mëparshëm kriminal.
21-vjeçarja është marrë sërish në pyetje nga grupi hetimor, pasi është qetësuar.
Këtë herë ajo ka deklaruar se nuk është dhunuar dhe ka shkuar vetë me dëshirë në apartament, ndryshe nga versioni i parë që ka dhënë kur ka telefonuar policinë.
Sajma Qordja ka shtuar se është frikësuar në momentin që ka parë një prej djemve me pistoletë.
Aktualisht, grupi hetimor po merr në pyetje edhe një vajzë tjetër, që po ashtu ka qenë në apartament me 21-vjeçaren, për të zbardhur më shumë detaje.
Të enjten, forcat RENEA u detyruan të ndërhyjnë me litar nga dritaret, për të bërë të mundur kontaktin me vajzën dhe qetësimin e saj.
