E kaluara tragjike e disa prej yjeve të famshëm të Hollivudit, është vërtet e tmerrshme, por në të njëjtën kohë edhe motivuese. Kjo është dëshmi se jo gjithçka duhet të përfundojë zi siç ka filluar dhe secili ka të drejtë për jetë më të mirë. Duke shikuar çdo ditë disa figura të famshme, shumica e kanë të vështirë të paramendojnë se nëpër çfarë ferri kanë kaluar në fëmijërinë e tyre të hershme.
Por kjo nuk i ka dekurajuar ata, por vetëm sa ka forcuar vendimin e tyre për ta përmirësuar jetën e tyre për të mirë. Aktorja atraktive, Charlize Theron, ka pasur vërtet një të kaluar tragjike. Babai i saj ishte një alkoolist, i cili vazhdimisht e rrihte nënën e saj por edhe vetë aktoren. Dhe në tentim për ta mbrojtur veten dhe vajzën e saj, e ëma e kishte qëlluar për vdekje babanë e saj kur ajo ishte 15-vjeçe.
Aktorit, Keanu Reeves, gjatë jetës së tij disa herë ia kanë thyer zemrën. Babai i kishte braktisur kur ai ishte ende foshnje. Në vitin 1993 e kishte humbur mikun e tij të ngushtë, River Phoenix, nga droga, ndërsa shtatë vite më vonë, ai dhe e dashura e tij Jennifer Syme, e kishin varrosur vajzën e tyre e cila kishte lindur e vdekur.
Mamaja e Demi Moore ishte alkooliste me çrregullim bipolar, ndërsa babin nuk e ka njohur kurrë. Njerku i saj kishte probleme financiare dhe vazhdimisht ishin zhvendosur. Mamaja dhe njerku i saj vazhdimisht e maltretonin njëri-tjetrin fizikisht, ndërsa në vitin 1980 njerku i saj kishte bërë vetëvrasje.3
Edhe këngëtarja, Shania Twain, kishte përjetuar përvoja shumë të hidhura. Ishte rritur në varfëri të thellë, kështu që familja e saj shpesh duronte urie. Kur ishte 21-vjeçe, e ka humbur nënën dhe njerkun në aksident trafiku, prandaj është dashur të përkujdeset vetë për vëllezërit dhe motrat e saj.
