Ministri i Turizmit dhe Mjedisit, Blendi Klosi urdhëron nisjen e aksionit për zhvendosjen e kafshëve të dhunuara nga kopshti zoologjik privat në Fier.
Përmes një postimi në facebook Klosit informon se aksioni do të vijojë dhe nesër deri në zgjidhjen përfundimtare të ngjarjes që ai e quan “të turpshme”
“Në përgjigje të lajmit të publikuar në Daily Mail dhe dhjetëra mesazheve për situatën e papranueshme, ku jetojnë disa kafshë në një kopësht zoologjik privat në Fier, urdhërova urgjentisht nisjen e një aksioni nga Inspektorati i Mjedisit, i cili në bashkëpunim me Policinë e Fierit dhe Shoqatën për Mbrojtjen e Kafshëve kanë vendosur të zhvendosin kafshët me qëllim marrjen e tyre në mbrojtje nga kjo e fundit.
Aksioni do të vijojë edhe nesër deri në zgjidhjen përfundimtare të kësaj ngjarje të turpshme!”
Tabloidi britanik, Daily Mail publikoi pak ditë më parë një artikull, sipas të cilës, fotot e marra në kopshtin zoologjik në Fier, në jugperëndim të Shqipërisë, tregojnë një luan “të kequshqyer” që jeton në kushte tejet të këqija dhe në hapësirë të ngushtë. Po kështu dhe kafshë të tjera, duke përfshirë një zebër, një ujk të dobët dhe disa drerë, shihen në kafaze të ngushta betoni.
Ajo çfarë nuk dihet është se ku do të zhvendosen këto kafshë.
a.ç
DailyMail: Luani me një sy dhe kopshti zoologjik i “ferrit” ndodhen në Fier
