Makina tip “Ferrari F430” me ngjyrë të kuqe, të cilën e ka përdorur presidenti amerikan Donald Trump, është shitur në ankand për 270.000 dollarë, njoftoi shtëpia “Auctions America”, duke mos bërë të ditur identitetin e blerësit.
“Versionet e ngjashme të modeleve, pronarët e të cilëve zakonisht nuk janë personalitete të njohura, shiten me çmim prej 125.000 deri 175.000 dollarë, duke u nisur nga kilometrazhi dhe se në çfarë gjendje janë”, tha zëdhënësja e kësaj shtëpie Ejmi Kristi, njofton AFP.
Në ankand morën pjesë një numër i madh i adhuruesve të automobilave dhe përkrahësve të Trump, të cilët kanë pëlqyer modelin “F430 kupe” nga viti 2007, në Fort Lauderdejl, 50 kilometra në veri të Majamit.
Trump në kohën e tij kishte blerë “Ferrari”-n e ri si makinë personale, pronar i të cilës kishte qenë më shumë se katër vjet. Ai kishte kaluar me të 3.862 kilometra, derisa 9.656 kilometrat tjerë i kishte kaluar pronari tjetër i veturës, të cilën e kishte blerë në vitin 2011, ndërsa po ashtu identiteti i tij nuk është bërë i ditur.
a.ç
