Nga Shtigjeni, në drejtim të Kukësit, fermeri Sokol Tërshalla i bëri një ‘dhuratë’ ministrit të Bujqësisë, Edmond Panariti, një lopë të sëmurë nga Dermatoza Nudelare. Ndonëse fermeri kërkoi ndihmë për bagëtinë e sëmurë, autoritetet veterinare nuk i erdhën në ndihmë.
Ndaj ai vendosi që lopën e tij të sëmurë ta lidhë në ambientet e Drejtorisë së Bujqësisë së Kukësit. Teksa foli për mediat, fermeri tha se kishte kërkuar ndihmë për rreth një muaj nga shteti, por vaksinimi i lopës u krye vetëm para një jave duke e lënë sëmundjen të përparonte.
“Ja kam prurë drejtorisë dhe ministrit. Se njëri më thotë të pres sot, një të pres nesër. Ndaj, më mirë po jua lë këtu lopën. Vaksinën e ka bërë para 4 ditësh. Me një age ia kanë bërë të gjithë bagëtive të fshatit. Por lopa u prek.”, tha Tërshalla./BW/a.m.
