Problemet në Hipotekë ka qenë një nga shqetësimet që fermerë të zonës së Perondisë në Kuçovë kanë ndarë me kryeministrin Edi Rama, gjatë takimit të sotëm.
Pas fjalës së shkurtër të Ramës, që premtoi se atë qe qeverinë nuk do e zërë gjumi deri sa fermerët të marrin pronësinë e tokës dhe në cdo parcelë të shkojë uji për vaditje, ka qenë radha e të pranishmëve për të folur.
Fermeri: Quhem Elmas Mema, kam shqetësim me zyrën e regjistrimit të Kuçovës aty është bërë katrahurë, të aplikosh që dy vjet më parë, e të më thonë ka humbur kontrata e regjistrimit, ku vajti kopja ime origjinale, atje janë njerëz të paaftë në zyrë. Më thanë, merr helikopter dhe shko te toka, c’janë këta kuadro, ty bravo të qoftë, se je djalë i mbarë, bravo të qoftë, fole pastër e bukur edhe si dielli që shndërrin të thotë për ty ec përpara se do të vijmë pas. Por ca kanë gurin dhe ca kanë arrën ne duam shtetin dhe ligjin dhe drejtësinë.
Rama: Elmas, për cështjen tënde para pak ditësh më ka vënë në dijeni Ermonela dhe kemi kërkuar nga zyra qëndrore ta zgjidhë këtë punë urgjentisht, do zgjidhet, ata që thonë ik me helikopter, do ikin pa helikopter dhe do të fluturojnë nga dritarja, dhe nuk do të puthin më në zyrë.
Teksa Rama sqaronte problemin që gjeti me situatën me rrugën, duke fajësuar qeverinë e Saliut dhe rrugët që sipas tij i la rrugëve, ka ndërhyrë një fermer, duke e ndërprerë.
Rama: Mos më ndërhy po deshe, se nuk kam ardhur të ndërtoj rrugën tënde, a ka mundësi mos më ndërprit, të lutem, ashtu, shko freskohu tani se je i ngarkuar..
Pra, duhet të shtrijmë këmbët sa kemi jorganin, se unë kam edhe eksperiencë, se jam rritur me këmbë përjashta. Pse ju nuk i shtoni kate të tjera shtëpisë, pse nuk i bëni gjërat menjëherë.
Panorama/d.i.
