Kreu i PD-së, Lulzim Basha ishte sot pranë banorëve në fshatin Mjekës të Elbasanit të cilët ndodhen në prag katastrofe ekonomike, për shkak të sëmundjes së gjedhëve, dermatoza nodulare, që po shfaros lopët. Fermerët ankohen se janë të rrënuar, pasi vaksinat janë blerë privatisht nga 25 mijë lekë por shumë prej tyre nuk kanë pasur mundësi t’i përballojnë.
Ata ankohen se nuk kanë burim tjetër të ardhurash përveç lopës që kemi dhe mbajmë familjen gjallë. Lideri i opozitës u shpreh se qeveria është larguar nga njerëzit, ndaj dhe njerëzit duhet të largojnë qeverinë për një qeverisje për njerëzit.
“Lekë për avion privat ka, lekë për ekspozita ka por lekë për ju nuk ka. Lekë për vaksina nuk ka, lekë për subvensione nuk ka, lekë për pensione nuk ka. Pse?! Sepse i ka marrë të gjitha për vete. Kaq e thjeshtë është. Kjo është e vërteta. Kjo është një qeveri dhe një kryeministër që mendon vetëm për vete. I ka harruar njerëzit. I ka vënë vizën njerëzve. Programi jonë është për subvencione të drejtpërdrejta për fermerin; pa nipt, pa burokraci, në varësi të prodhimit bujqësor apo blegtoral shteti tu financojë drejtpërdrejtë me para në dorë”- tha Basha.
Sipas tij, hapi i parë është të largojnë këtë qeveri e të sigurojnë zgjedhje të lira e të ndershme se “me këtë qeveri nuk ka zgjedhje të lira e të ndershme”.
ma.me
