Alex Ferguson ka treguar arsyen e largimit nga Manchester Unitedi. Ish menaxheri i Manchester Unitedit, Alex Ferguson e ka pranuar se do të vazhdonte të drejtonte Unitedin, nëse nuk do t’i vdiste motra e gruas. Ferguson u largua nga Unitedi në vitin 2013 pas 38 titujve të fituar në 26 vite.
“Definitivisht doja të vazhdoja me Unitedin. E pash një natë gruan time duke shikuar televizion dhe ajo dukej e mërzitur. E dija që ishte e izoluar, pasi motra e saj binjake Bridget kishte vdekur”, tha Ferguson për The Telegraph. “Kur i thashë asaj se do të pensionohem ajo me të vërtetë e dëshironte një gjë të tillë”, tha në fund Ferguson. (javanews.al / a.n)
