T’u vendosësh fëmijëve emra që lidhen me personat e famshëm, tashmë duket se është një tendencë e dalë mode. Varësia ndaj teknologjisë dhe rrjeteve sociale po shfaqet edhe tek pagëzimi i fëmijëve.
Lista e emrave më të përdorur tek fëmijët për vitin 2015, e realizuar nga BabyCenter.com, mbizotërohet nga emrat e frymëzuar nga teknologjia dhe shkenca. Nuk janë emrat e figurave më të mëdhenj të botës së teknologjisë, por fjalët më të zakonshme që përdoren në rrjetet sociale.
Instagram ishte burimi kryesor për pagëzimin e fëmijëve këtë vit, ku pjesa më e madhe e prindërve kanë përdorur emrat e filtrave të këtij rrjeti social për të pagëzuar fëmijët e tyre. Ndër emrat më të preferuar për djem janë Lux, Ludwig, Amaro, ndërsa për vajzat Juno, Valencia dhe Willow.
Mesa duket, shumë njerëz besojnë se filtrat që i bëjnë të shkëlqejnë në rrjetet sociale mund të kenë të njëjtin efekt te pasardhësit e tyre. (krokodili.al)
