Në zonën e Elbasanit hajdutët kanë filluar të vjedhin dritaret e banesave. Policia e Elbasanit raporton se ka arrestuar dy persona, njëri 23 vjeç dhe tjetri 28 vjeç, të cilët akuzohet se të paktën dy herë kanë çmontuar me qëllim vjedhjen e dritareve në dy shtëpi të ndryshme të zonës.
Ata kan grabitur fillimisht një banesë në Bradashesh, ku kanë vjedhur grilat e dritareve prej alumini, ndërsa goditja e dytë ka qenë në fshatin Xibrakë, ku kanë marrë dritaret duke i çmontuar.
Policia u ka gjetur atyre edhe mjete për çmontimin e dritareve të aluminit pasi i ka arrestuar. Dyshohet se pas vjedhjes ata i shisnin dritaret me peshë duke përfituar nga rritja e çmimit të aluminit në treg.
/b.h
