Femrat kanë më shumë nevojë për të fjetur, pasi pamjaftueshmëria e gjumit shkakton probleme të rënda shëndetësore tek ato.
Profesor Jim Horne, drejtor i Qendrës Kërkimore të gjumit në Universitetin Loughborough, tha se “tek gratë, gjumi i varfër është i lidhur fort me nivele të larta të shqetësimeve psikologjike, ndjenjave të armiqësisë, depresionit dhe zemërimit”.
“Ndërsa e kundërta ndodh me meshkujt, pasi ata nuk i kanë këto shqetësime për shkak të ç’rregullimit të gjumit”.
Profesor Horne ka sqaruar gjithashtu, se truri i grave është më kompleks se i burrave.
“Truri i femrave është ndryshe nga i meshkujve, është më kompleks dhe për pasojë, nevoja për gjumë do të jetë pak më e madhe.”
Por ka një përjashtim të vogël.
“Një burrë që ka një punë komplekse që përfshin shumë vendimmarrje dhe të menduarit e vazhdueshëm, mund gjithashtu t’i nevojitet më shumë gjumë se një mashkull mesatar”, shtoi profesor Horne.
“Edhe pse ndoshta jo aq sa i nevojitet një femre”./tvklan.al
