Është e vështirë të mbetesh gjithnjë i ri. Por të paktën të kujdesemi që të maskojmë në një farë mënyre shenjat që vitet lënë tek ne. Ja disa strategji kundër plakjes:
Hani antioksidantë
Mjaftojnë dy javë për të pasur një lëkurë me më pak rrudha. Një studim i publikuar nga Unilever, konkludoi se personave që iu nënshtruan eksperimentit, morën suplemente të vajit të peshkut dhe katër antioksidantë për 14 ditë, iu përmirësuan ndjeshëm thellësia e rrudhave të tyre.
Qeshni
Kujdes nga shprehjet e fytyrës! Mos rrini të vrenjtura asnjëherë, sepse ju bën të dukeni më të mëdha në moshë. Buzëqeshni që të dukeni të reja. Një studim gjerman konkludoi se në fotot e 171 personave, studiuesit u jepnin moshë më të re femrave që kishin dalë duke buzëqeshur.
Ulni tensionin e gjakut
Një studim i vitit 2013, ka zbuluar se femrat duken më të reja, nëse kanë tension të ulët gjaku. Një tjetër studim i ri në Psikiatrinë Molekulare tregon se depresioni dhe stresi mund të përshpejtojnë plakjen.
Kontrolloni sytë
Mos rrudhni sytë nëse nuk shihni mirë. Sa herë rrudhni sytë ju formohen rrudha në ballë, mes vetullave po ashtu. Ndaj, kur të keni probleme me sytë, më mirë shkoni tek okulisti, sesa të rrudhni lëkurën.
Bëni shumë seks
Në një studim të kryer rezultoi se njerëzit, që kishin marrëdhënie seksuale të rregullt (katër herë në javë, mesatarisht) dukeshin më të rinj. Studiuesit thonë se seksi nxit lirimin e hormonit të energjisë, që ndihmon dhe elasticitetin e lëkurës.
