Këtë akuzë, ish-nusja e shtëpisë nuk e ka pranuar, por pas kryerjes së aktit mjeko-ligjor, prokurorët e Gjirokastrës kanë arritur në konkluzionin se R.M. duke të merret e pandehur dhe ti nënshtrohet procesit gjyqësor për akuzën e “Plagosjes së lehtë me dashje”.
Aktualisht dosja kundër gruas që denoncoi gjyqtarin e Gjirokastrës Guximtar Boçi, ka përfunduar në gjykatë dhe nëse shpallet fajtore, R.M. rrezikon të dënohet me gjobë ose me burgim gjer në gjashtë muaj. Çështja është regjistruar prej muajit korrik 2016, por mësohet se prej shtatorit gjyqi ndaj R.M. ka nisur të zhvillohet. Dëshmitari kryesor i prokurorisë është ish-vjehrra e të pandehurës, shtetësja. M.M. Këtë çështje është duke e gjykuar gjyqtari Arben Dosti.
Prona që solli sherrin
Gazeta “Shqiptarja.com”, disponon të plotë vendimin e datës 27 shkurt 2015 të dhënë nga gjyqtarja Blerta Çibuku (Marku), ku paditëse ka qenë ish-vjehrra e 40-vjeçares. Në këtë proces gjyqësor, kundërpaditëse ka qenë nusja e shtëpisë, 40-vjeçarja, e cila ka kërkuar që të njihej si pronare e një vile tre katëshe dhe një supermarketi.
Pronë kjo që është bërë objekt sherri dhe më pas përplasje fizike mes nuses dhe ish-vjehrrës. Nga ana tjetër, paditësja ish-vjehrra me kërkesë padinë drejtuar gjykatës kërkonte lirimin dhe dorëzimin e sendit të shitur nga të paditurit, djali i saj dhe 40-vjeçarja, sipas kontratës së shitjes. Kujtojmë se e moshuara ish-vjehrra, ishte dëbuar nga shtëpia e saj, për shkak të konflikteve me nusen.
“Më jepni supermarketin”
Në seancën gjyqësore të datës 20 shkurt 2014 nga 40-vjeçarja është depozituar një kundërpadi me të kundërpaditur (ish-vjehrren e saj dhe të paditur ZVRPP Gjirokastër, me objekt pavlefshmëri absolute të kontratës së shitjes dhe c’regjistrimin e pronës pranë ZVRPP Gjirokastër në emër të ish-vjehrrës. Po nga ana e 40-vjeçarja në seancë gjyqësore të datës 25 mars 2014 është bërë kërkesa për shtimin e objektit të kundërpadisë së saj, duke kërkuar këtë herë detyrimin e ish-vjehrrës së saj, për njohje bashkëpronare të pasurisë objekt gjykimi. Ndërkohë në seancën gjyqësore të datës 8 prill 2014, 40-vjeçarja ka paraqitur një kërkesë për pakësim të objektit të kundërpadisë duke i qëndruar kërkimit të saj vetëm për njohjen bashkëpronare të pasurisë së paluajtshme nr 14/60 objekti ”Supermarket dhe banese” me tre kate.
ma.me
