Ushtria izraelite konfirmoi se qëndron pas sulmin në kampin e populluar të refugjatëve të Jabalias në Gaza, ku pretendon se ka vrarë një komandant të lartë të Hamasit dhe ka shkatërruar infrastrukturën nëntokësore të grupit militant.
Shpërthimi masiv shkaktoi viktima të shumta, rrafshoi godina dhe krijoi kratere të mëdha në zonë. Imazhe të ndryshme nga vendi i ngjarjes treguan fëmijë të vdekur ose të plagosur rëndë.
Shpërthimi i së martës ndodhë në atë që sipas agjencisë kryesore të OKB në mbështetje të palestinezëve në territor, është kampi më i madh i refugjatëve në Gaza.
Kreu i agjencisë tha se e gjithë popullsia e Rripit po dehumanizohet, ndërsa Organizata Botërore e Shëndetësisë paralajmëroi për një katastrofë shëndetësore publike, teksa foshnjat po vdesin nga dehidratimi.
E rëndë situata në spitale, ku mjekët po marrin masa drastike për të trajtuar të plagosurit.
Shërbimet telefonike dhe të internetit janë ndërprerë plotësisht në Gaza, në të dytin blackout në një javë.
Izraeli duket i vendosur të vazhdojë me operacionin ushtarak, nga ajri dhe toka. Siç bëri të ditur ushtria, mbi 11 mijë shënjestra të Hamasit janë goditur që prej fillimit të luftës, ndërsa 326 ushtarë izraelitë kanë mbetur të vrarë.
Autoritetet palestineze sakaq, raportojnë mbi 8500 viktima që kur Izraeli nisi sulmet më 7 tetor.
/a.r
