Zëdhënësi i Kremlinit, Dmitry Peskov, në një intervistë për CNN nuk mohoi se Rusia mund të përdorë armë bërthamore.
Kur u pyet për rrethanat në të cilat Vladimir Putin mund të përdorë armët bërthamore, Peskov u përgjigj: “Nëse shohim kërcënim të rëndë për vendin tonë, mund të përdoren”.
Por teksa deklaratat e babait të saj kanë trazuar botën, e bija e Peskov ka nisur të ankohet për sanksionet. Elizaveta Peskova, 24 vjeç, është prekur nga sanksionet pasi nuk i lejohet të lëvizë jashtë vendit.
“Sanksionet nuk më kanë dëmtuar ekonomikisht, por janë krejtësisht të pandershme dhe të pabazuara,” thotë ajo.
Teksa njerëzit po vriten në Ukrainë, ajo thotë: “Jam e mërzitur për shkak se më pëlqen të udhëtoj dhe i dua kulturat e tjera”.
“Është e çuditshme që të vendosësh sanksione mbi një person që është 24 vjeç dhe nuk ka asnjë lidhje me situatën”.
24-vjeçarja jeton në mes të luksit, gjykuar nga fotot që poston vazhdimisht në rrjetet sociale.
g.kosovari
