Detaje të rënda kanë dalë nga vrasja e ndodhur në Dibër, ku nusja ka qëlluar me thikë vjehrrën, duke e lënë të vdekur në vend.
Banorët e zonës kanë treguar për BalkanWeb se kur nusja ka dalë jashtë, ju ka thënë fëmijëve se vjehrrës i dhimbte koka ndaj edhe kishte bërtitur.
Pas 6 orësh nga krimi i rëndë, ka qenë djali i viktimës, burri i 44-vjecares ai që ka zbuluar krimin dhe ka njoftuar policinë.
Autorja e këtij kruimi të rëndë është Miranda Markja, 44 vjeç, ndërsa viktima është Nazmije Markja, 74.
Mësohet se nusja vuante nga probleme të shëndetit mendor. Policia e Shtetit njofton se ngjarja ka ndodhur në orët e mbrëmjes dhe se nusja e ka qëlluar vjehrrën për motive të dobëta, ndërsa 44-vjeçarja ka rënë në prangat e policisë.
Sipas dëshmisë së banorëve të zonës, mes nuses dhe vjehrrës ka pasur shpesh herë konflikte, ndërsa viktima kishte kërkuar urdhër-mbrojtje dhe në polici.
g.kosovari
