E afërmja e viktimave të aksidentit tragjik në Fushë Prezë, në një intervistë në emisionin Me zemër të Hapur në Neës 24, ka dhënë detaje të reja në lidhje me atë që ndodhi atë natë.
Ajo tha se shoferi i betonieres, me të cilën të rinjtë janë përplasur, nuk iu ka dhënë asnjë lloj ndihme. “Shoferi i betonieres nuk iu ka dhënë ndihmë fare djemve të rinj, edhe pse ata kanë bërtitur duke kërkuar ndihmë që të hapeshin dyert. Shoferi i betonieres ka ikur. Nëse do i kishte ndihmuar, djemtë tanë sot do ishin gjallë”, tha ajo.
E afërmja e viktimave në aksidentin tragjik në Fushë Prezë: Ne kemi këtë informacion. Ka lënë punën në orën 10 të darkës, Andi që ka vdekur, punon berber në Fushë Krujë, ka marrë kushëriri i vet në telefon, janë bashkuar me shokun që punonte tek servisi i telefonave, ky djali nga Fushë Kruja, se ne na kanë vdekur tre çuna, dy vëllezërit dhe kushëriri. Kushëriri është djali i kunatit tim. Ka marrë ky kushëriri këto vëllezërit, edhe këtë shokun e vet iu ka thënë hajde t’i dalim para vëllait që kemi se po kthehet nga Italia. Kanë ikur atje. Kur kanë zbritur nga Aeroporti, kanë marrë në telefon prindërit dhe iu kanë thënë se janë duke ardhur me gjithë djalin.
Katër ditë kishin që e kishin blerë makinën e re. Kur kanë ardh këtej janë përplas me atë betonierën. Çunat kanë bërtit “ndihmë bre”, por ai i betonierës nuk ka dalë për t’ua hap derën. Kanë qenë gjallë fëmijët brenda. Ai që është përplas me ta, vetëm ka ikur, nuk iu ka dhënë ndihmë çunave tonë. Se nëse do iu kishte dhënë ndihmë, t’ju kishte vënë presionin e ujit që ka pasur në betoniere, fëmijët tonë do ishin gjallë sot. Jo me na çu katër xhenaze në tokë ne.
