Lionel Messi ka nevojë për ndihmë pasi që nuk mund ti fitojë të gjitha vetëm. Kështu ka thënë kreu i Federatës së Futbollit të Argjentinës, Claudio Tapia.“Futbolli nuk është sport individual”, tha Tapia për La Nacion.
“Ne kemi lojtarin më të mirë në botë për ne duhet ta ndihmojmë atë sepse ai nuk mund ti bëj të gjitha vetëm. Ai është i pjekur dhe ta kemi atë në Kombëtare është privilegj. Ai është numër një, ai ka ambicie dhe ka nevojë që ta fitojë Botërorin”, ka thënë presidenti.
Dy herë fituesit e Botërorit do të përballen me Kroacinë, Islandën dhe Nigerinë dhe konsiderohen favorit për ta fituar grupin, por tapia thotë se nëse nuk kualifikohen në finale është dështim.
“Ne kemi të vetmen skuadër që me tre trajnera të ndryshëm kemi arritur në Botëror”, tha Tapia. “Të tjerët e kanë një trajner ne 4 apo 8 vite. Duhet të punojmë shumë që ta fitojmë Botërorin”, përgatiti ”GazetaExpress” (b.an)
