As në sezonin tjetër nuk do të ketë përdorim të VAR-it në Premier Ligë. VAR ka filluar të përdoret në shumë kampionate elitare të Evropës dhe nga vera do të aplikohet edhe në Botëror, por në vendin ku u shpik futbolli, në Angli, sistemi VAR nuk do të zbatohet, të paktën edhe për sezonin tjetër.
Vendimi për të mos e përdorur sistemin VAR është nga marrë nga krerët e Ligës Angleze të Futbollit, të cilët nuk janë të bindur se, “testet e kryera deri tani janë shumë kontradiktore, ndaj edhe në sezonin 2018-219 ky sistem nuk do të përdoret në futbollin anglez”.
Drejtuesit e Ligës Agleze të Futbollit i janë referuar rasteve që janë marrë në shqyrtim gjatë ndeshjeve të Kupës së Ligës në Angli, ku shumë vendime nuk kanë qenë të sakta. FIFA vendosi më herët që VAR të përdoret në finalet e Botërorit që do të mbahet në verë në Rusi, ndërsa UEFA, ka kërkuar kohë për të marrë një vendim përfundimtar, përgatiti Koha. (b.an)
