FBI ka dhënë versionin e tij zyrtar në lidhje me ngritjen apo jo të akuzave ndaj kandidates demokrate për Presidente Hillary Clinton. Byroja është tërhequr duke deklaruar se nuk ka ndërmend të ngrejë akuza penale në lidhje me përdorimin e e-maileve të saj konfindenciale në kohën kur Clinton ishte Sekretare e Shtetit.
Kreu i FBI-së përmes një deklarate për shtyp thotë se byroja ka arritur në përfundimin se ngritja e akuzave në këtë rast do të ishte e papërshtatshme. “Asnjë prokuror i arsyeshëm nuk do të ngrinte akuza,” tha ai.
“E di që ka shumë mendime të shprehura nga njerëzit që nuk kanë qenë pjesë e hetimit, përfshi edhe disa prej atyre në qeveri, por asgjë e këtillë nuk na shqetëson. Opinionet janë të parëndësishme, sepse asnjë prej tyre nuk ka qenë i informuar nga njerëz të brendshëm në hetimin tonë. Kjo edhe për shkak se ne e kemi zhvilluar këtë hetim në mënyrën e duhur”.- shtoi Comei.
Dy ditë më parë Clinton u mor në pyetje nga FBI, teksa drejtori i byrosë James Comei tha këtë të martë, se nuk do të ngrihen akuza ndaj saj edhe pse sipas tij, Clinton është treguar tërësisht e papërgjegjshme në përdorimin e e-maileve.
Comey tha se hetuesit kanë lexuar të 30 mijë email-et që zonja Clinton i kishte dorëzuar Departamentit të Shtetit në vitin 2014 dhe shtoi se 110 prej tyre përmbanin informacion të klasifikuar./java/a.k
