Ish-ministri i Shëndetësisë, Ilir Beqaj kërkon që të njihet me aktet e dosjes sa i takon çështjes së sterilizimit. Teksa SPAK ka bërë me dije se Beqaj duhet të paguajë 10 milionë lekë, ky i fundit ka refuzuar.
Beqaj duket se ka gjetur një zgjidhje tjetër, ndërsa do të rrijë gjithë ditën në SPAK për të lexuar aktet e dosjes.
Ai vendosi që t’u kërkojë kohë prokurorëve për të lexuar vetë aktet e dosjes. Që prej orës 9:00, prokurorët i kanë vënë në dispozicion dosjen, në një dhomë të posaçme ku qëndrojnë avokatët, për t’u njohur me të.
Këto janë akte nënligjore të miratuara nga Prokuroria. Secila prokurori dhe gjykatë ka të miratuar faturën për secilin akt dhe procedurë, ndërsa ky është rasti i parë kur një zyrtar refuzon të paguaj një faturë. Beqaj do të ndjekë procedurat ankimuese. Fakti që është një faturë kaq e lartë, mesa duket bëhet fjalë për një dosje voluminoze.
Ndërkohë në një dalje për mediat, avokati i ish-ministrit tregoi episode qesharake nga SPAK.
Ai tha se nuk mund të paguhen 90 milionë lekë për 9 të gjithë dokumentacionin ndërkohë që ai ekziston në PDF.
“Është qesharake t’i kërkosh një pensionisti si Petro Mersini të paguajë aq para. Ka dhe një episod me personat që ndodhen në qeli. Klodjan Rjepaj dhe Ilir Rrapajt i thonë t’i lexojnë në PDF ndërkohë që në burg nuk lejohet lap-topi apo kompjuteri” – tha avokati Ermal Yzeiraj.
/a.r
