Fatos Tushe ish-kryebashkiak i Lushnjes, do të qëndrojë në burg me vendim gjykate.
Pas nja hetimi 1 vjeçar nga SPAK, Tushe është arrestuar bashkë me 10 zyrtarë të tjerë në zyrat e ndërmarrjes së Pasurisë Publike në Lushnjë.
Kryebashkiaku u shkarkua nga detyra një ditë më parë nga kryeministri Edi Rama pas aferave korruptive në të cilat ai ishte përfshirë.
Fatos Tushe dhe 10 të arrestuarit e tjerë do të qëndrojnë në qeli deri në fund të hetimeve.
Kujtojmë se Tushe u arrestua dy ditë më parë për shpërdorim detyre me akuzën e abuzimit me fondet publike.
Me urdhër të SPAK gjithashtu u arrestuan edhe dhjetë punonjës të tjerë të bashkisë. Një tender me vlerë 24 milionë lekë është shkelja që çoi në operacionin masiv të Prokurorisë së Posaçme.
Arrest me burg janë lënë;
Fatos Tushe, me detyrë Kryetar i Bashkisë Lushnjë
Flamur Peqini, me detyrë Drejtor i Ndërmarrjes së Pasurisë Publike në Bashkinë Lushnjë
Ibrahim Lami, administrator i kompanisë Loti shpk
Bujar Murati, administrator i kompanisë Euro Alb shpk
Gazmend Çela, zyrtar i Ndërmarrjes së Pasurisë Publike në Bashkinë e Lushnjës
Bektash Nexha zyrtar i Ndërmarrjes së Pasurisë Publike në Bashkinë e Lushnjës
Blerta Turku, zyrtare e Ndërmarrjes së Pasurisë Publike në Bashkinë e Lushnjës.
Ndërsa në arrest shtëpie u lanë:
Margarita Gjermeni, zyrtare e Ndërmarrjes së Pasurisë Publike në Bashkinë e Lushnjës
Andri Musho, zyrtar i Ndërmarrjes së Pasurisë Publike në Bashkinë e Lushnjës
Ani Simoni, zyrtare e Ndërmarrjes së Pasurisë Publike në Bashkinë e Lushnjës
Xhemal Hasko, zyrtar i Ndërmarrjes së Pasurisë Publike në Bashkinë e Lushnjës./m.j
