Ish deputeti i PS, Petro Koçi kujtoi figurën e Fatos Nanos duke theksuar kontributin e tij historik në transformimin e Partisë së Punës në një parti demokratike evropiane dhe ringritjen e Shqipërisë nga gërmadhat e vitit 1997 në një shtet normal.
Per mediat, ai e përshkroi Nanon si shembull të kurajës shtetërore dhe diplomacisë të guximshme, një figurë që ndërtoi raporte të forta me partnerët gjeostrategjikë të Shqipërisë dhe shënoi një epokë të rëndësishme të politikës dhe diplomacisë shqiptare.
Petro Koçi: Ngriti nga gërmadhat Partinë e Punës në një parti demokratike evropiane dhe pastaj i njëjti mision për të ngritur Shqipërinë nga gërmadhat e 1997 në një shtet normal. Ishte dhe mbeti një politikan i një qytetarie me një intelekt të pakonkurrueshëm që përballoi me një shpirt fisnik politikën e egër të burgosjes së Sali Berishës. Fatos Nano ishte patriot i madh, jo vetëm ringriti shtetin ëe rënë në 1997, por i dha shpirt çlirimtar dhe armë UCK. Edhe takimi i përfolur me Milloshevicin, duhet përcaktuar si një paradhomë e Rambujesë. Ishte shembulli i kurajës shtetërore dhe diplomacisë kurajoze. Ishte takim në një valë të padiskutueshme me partnerët tanë gjeostrategjik.
