Ish-kryeministri i Shqipërisë është parë në një foto me disa persona të fesë islamike.
Por ajo që krijon përshtypje është se një ndër ta është një teolog islamik i njohur për mbështetjen ndaj Bin Ladenit pas sulmeve në SHBA.
Emri i tij është Zakir Naik. Kemi të bëjmë me një “peshk të madh” përsa i përket islamit radikal me ngjyrim vahabist (wahabism). Zotëria në fjalë në Pogradec është prezantuar si bamires. Por ai njihet gjerësisht si predikues, dijetar, teolog i fesë islame, specialist për marrëdhëniet me publikun për problemet e islamit etj.
Sipas autobiografisë së tij në internet, Naik ka marrë disa çmime si Personalitet Islamik per vitin 2013 i dhënë në Dubai, çmimin Ma’al Hijrah, i marrë në Malajzi në nëntor 2013 dhe Çmimin Ndërkombëtar të Mbreti Fajzal në shkurt 2015. Duke u nisur nga këto çmime ardhja në Shqipëri e këtij dijetari musliman mund të duket sikur i bën nder atdheut tim, por z. Zakir Naik është njëkohësisht një person shumë problematik, raporton Dita.
Në predikimet e tija ka pikëpamje dhe deklarata, që përmbushin kushtet e konsiderimit vepër penale në Kodin Penal të Republikës së Shqipërisë.Z. Zakir është shprehur publikisht me gojë dhe me shkrim (në Revistën Islamic Voice), që meqenëse Bin Ladeni po lufton armiqtë e islamit unë jam me të (Bin Ladenin).
