Ministri i Brendshëm Fatmir Xhafaj, ka deklaruar se javën e ardhshme do të ketë një sërë arrestimesh që lidhen me grabitjen dhe tjetërsimin e pronave publike në vend.
Sipas Xhafës, Prokuroria e Përgjithshme ka përfunduar një sërë hetimesh dhe javën që vjen do të nisin gjyqet për disa persona.
Xhafaj tha se kemi disa çështje penale, në bashkëpunim me Prokurorinë, në rrethet Kavajë, Durrës, si dhe ka një proces hetimi në Lezhë, por do ta shtrijmë në Vlorë dhe gjithë vijën bregdetare.
“Ka pasur dhe disa hetime konkrete lidhur me tjetërsimin dhe grabitjen e pronës publike dhe sidomos në vijën bregdetare. Ne kemi disa çështje penale që janë në bashkëpunim me prokurorinë, në Kavajë, Durrës. Ka një proces hetimi në Lezhë, në Vlorë gjithashtu dhe këtë do ta shtrijmë në të gjithë vijën bregdetare”.
Unë besoj se shumë shpejt dhe javën që vjen do të ketë disa arrestime konkrete, masa konkrete sigurie për persona të caktuar”, theksoi Xhafaj.
Ministri i Brendshëm Fatmir Xhafaj i ftuar sot në “Opinion” në “Tv Klan” ka deklaruar se Kelment Balili është një prej atyre grupeve kriminale që do të arrestohet. E ndërsa për ekstradimin e Seitajt Xhafaj tha se nuk ëhstë shkelur asnjë ligj.
“Klement Balili mbetet për tu parë nëse është në Shqipëri ende. Ai është një prej atyre grupeve kriminale që ka akuza konkrete për të. Ai do të kapet. Për Habilajt po vazhdojnë në bashkëpunim me palën italiane.
Nuk është shkelur ligji, ka një kërkesë nga prokurori I përgjithshëm, dhe na është kërkuar ne ta ndalojmë për llogari të shtetit fqinj. Ne nuk kemi pasur njoftim zyrtar nga Prokuroria për hetimin e tij këtu. Nuk di që dei më tani të ketë lidhje me çështjen Habilaj dhe atë që ka këtu në Shqipëri” tha Xhafaj.
a.ç
