Gjyqtarja e Apelit Tiranë, Fatmira Hajdari, doli sot para Komisionit të Pavarur të Kualifikimit, për t’iu nënshtruar procesit të vetingut, i cili do të komunikojë vendimin ndaj saj më 18 qershor.
Teksa u konstatuan probleme në deklarimin e pasurisë, ajo është përlotur duke folur për të kaluarën.
Duke folur para KPK ajo ka deklaruar se jeton qysh prej vitit 1993 në një shtëpi tek vilat gjermane.
Kam punuar 12 vite në ministrinë se Drejtësisë, burri im ka qenë deputet. Aktualisht jetoj në të njëjtën vilë, përballimi i kësaj shume përballohej se burri deputet unë punoja në ministri, plus që kisha dhe vjehrrit që kishin pension.Unë shkova të apartamenti i kunatit, pasi në atë kohë isha e kërcënuar për shkak të situatës. Gjatë kësaj kohe u rikonstruktua banesa tek vilat gjermane. Kemi qenë në një kohë krejt ndryshe. Veprimet kanë qenë informale. Unë nuk kam gënjyer asnjëherë në deklarimet e mia”, është shprehur Hajdari.
Po ashtu ka thënë se është e vetmja gjyqtare që nuk është denoncuar dhe kallëzuar penalisht gjatë detyrës së saj.
Gjatë seancës iu komunikuan konstatimet se i është refuzuar viza për në Shtetet e Bashkuara të Amerikës.
Ndërsa sa i takon aftësive profesionale, nuk janë konstatuar probleme.
/a.r
