Anëtari i Këshillit të Lartë të Prokurorisë, Besnik Cani ditën e sotme do të dalë sot para Komisioni të Pavarur të Apelimit. Ndërkohë burime për Report Tv bëjnë me dije se Besnik Cani ka kërkuar përjashtimin e dy anëtarëve të trupit gjykues, konkretisht Ardian Hajdarin dhe Luan Dacin. Më 17 janar prokurori Besnik Cani ka bërë edhe një kallëzim penal për dy gjyqtarët, për falsifikim të formularëve, për aftësitë e tyre profesionale. Në këto kushte sipas Canit dhe palës mbrojtëse të tij, Edurat Hsalimi pretendojnë se procesi ka njëanshmëri.
Fillimisht Prokurori, Besnik Cani u konfirmuar në detyrë më 27 nëntor 2018 nga trupa gjykuese e udhëhequr nga Olsi Komici, me relator Lulzim Hamitaj dhe anëtare Brunilda Bekteshi. Dy javë më pas, Cani u zgjodh anëtar i Këshillit të Lartë të Prokurorisë megjithëse kishte probleme me pasurinë.
Por vendimi i KPK për Besnik Canin u ankimua nga Operacioni Ndërkombëtar i Monitorimit (ONM) dhe pas tyre edhe nga Komisioneri Publik të cilët kritikuan vendimin e konfirmimit në detyrë të tij, pavarësisht problemeve të shumta me pasurinë, aftësitë profesionale dhe shkeljen e etikës. Sipas Komisionerit Publik, vendimi i Komisionit të Pavarur të Kualifikimit ishte “kontradiktor dhe jo-bindës” dhe se ishte marrë në interpretim të gabuar të ligjit.
g.kosovari
