FAST Albania ka dhënë kontribut në një operacion ndërkombëtar të koordinuar nga rrjeti europian ENFAST, duke ndihmuar në kapjen e një shtetasi malazez me rrezikshmëri të lartë shoqërore.
Falë shkëmbimit në kohë reale të informacionit midis FAST Albania dhe homologëve të saj në Spanjë dhe Mal të Zi, Policia spanjolle arriti të arrestojë D.F., 43 vjeç, i cili ishte i kërkuar nga autoritetet malazeze.
D.F. ishte i dyshuar për përfshirje në një organizatë kriminale aktive në fushën e narkotikëve. Gjykata e Podgoricës i kishte vendosur masën e sigurisë “Arrest në burg” që në prill të vitit 2025.
Ky arrest tregon efektivitetin e bashkëpunimit të ngushtë mes agjencive të sigurisë përmes rrjetit ENFAST, që bashkon përpjekjet e vendeve europiane për të goditur krimin e organizuar.
