Kryeministri Edi Rama ka dhënë një koment për mediat pas dëshmisë në komisionin Hetimor për Inceneratorët.
Kreu i qeverisë e cilëson këtë një farsë e orkestruar për të baltosur punën e bërë për impiantet e përpunimit të mbetjeve.
“U dëgjuam të gjithë dhe të gjitha ata që kishin për t’u thënë. Kush ka sy të shohë e kush ka veshë të dëgjojë. 430 mln euroshi nuk ekziston. Një narrativë shumë e ulët që kishte nevojë për tu zbardhur. Më në fund fare u pranua, që ju nuk mund të konçensiononi të ardmen. Është një angazhim përtej moshës time politike, por edhe të zonjës Tabaku. Është një farsë e orkestruar për të baltosur dhe për të bërë atë që kanë bërë gjithmonë. Ashtu siç e thashë, përsa i përket hetimit nga SPAK-ut, është një linjë tjetër komplet që ka të bëjë me përgjegjësi individuale që kushdo që pas shpinës së qeverisë ka hyrë në një marrëdhënie korruptive. Prandaj kemi bërë reformën në drejtësi. Drejtësioa ka punën e vetë” – tha Rama.
