Faqet e internetit na gjurmojnë nga mënyra se si shkruajmë
Njihuni me KeyboardPrivacy: një shtesë e Google Chrome që maskon kohën që ju duhet për të shkruar në tastierë. Do të keni nevojë për këtë maskim, që njihet dhe si periodicitet dhe që është i ngjashëm me gjurmët e gishtave.
Kjo është e nevojshme sepse ka teknologji që mat karakteristikat tona të shtypjes në tastierë, koha që na duhet për të shtypur një tastë dhe tjetrin, duke përdorur më pas të dhënat tona të profilit, edhe pse ju dëshironi të jeni anonim kur lundroni në internet.
Si shembull jepet një kompani suedeze e quajtur BehavioSec, që mund të identifikojë vizitorët e faqes së saj nga mënyra se si shkruajnë në tastierë. Kjo shtesë për të maskuar shkrimin tonë në tastierë është krijuar nga dy studiues të sigurisë: Per Thorsheim dhe Paul Moore.
Moore është shprehur se qarkullojnë fjalë se bankat britanike po tentojnë në këtë lloj teknologjie, pasi kanë hasur një problem të tillë dhe kërkojnë reduktimin e rrezikut. Këto fjalë u raportuan edhe në media në mars të vitit 2013. BehavioSec numëronte dhjetë banka kombëtare suedeze, përfshi dhe Samsung, në klientët e saj.
Në thelb, ne padashur lejojmë të na rrjedhin informacionet e identitetit tonë në çdo faqe interneti që gjurmon gishtat tanë, apo siç njihen ndryshe të dhënat biometrike: matja e diçkaje që bën dikush nëpërmjet ecjes, zërit apo shkrimit.
KeyboardPrivacy do të rrisë artificialisht sigurinë teksa ju jeni duke lundruar në internet. Pasi e instaloni, do të vazhdoni të përdorni internetin si zakonisht./Top Channel/
