Fansat e Arsenalit vazhdojnë me protesta kundër trajnerit të tyre Arsene Wenger edhe në derbin e sotëm ndaj Manchester Cityt. Në humbjen prej 3-1 ndaj WBA-së fansat kishin shpalosur banerin “S’ka kontratë, Wengeri jashtë”, shkruan Goal.
Kurse në protestat e më hershme fansat thoshin se “Arsene, vendi i katërt nuk është trofe”, transmeton Koha.net. Kurse për ndeshjen e sotme ndaj Cityt, fansat vendosën një kamion jashtë “Emirates”, në të cilën janë fjalët e thëna nga shefi ekzekutiv Ivan Gazidis.
“Arsene është përgjegjës për fansat. Në fund të fundit ata bëjnë gjykimin. Nëse jeni duke e parë që marrëdhëniet ndërmjet fansave dhe menaxherit prishen me kalimin e kohës, atëherë kjo është e paqëndrueshme”, kishte thënë Gazidis më 2011. Dhe kësaj i shtohet edhe pjesa tjetër, “20 vjet në Evropë dhe ende në pritje”.
Arsenali momentalisht është në vendin e gjashtë në Premier Ligë, 19 pikë prapa liderit Chelsea, por ka dy ndeshje më pak të zhvilluara. (b.an)
