Kreu i AKR-së dhe deputeti i Kosovës, Behgjet Pacolli, ka shprehur gatishmërinë t’ia paguajë gjobën mesfushorit kosovar të Zvicrës, Granit Xhaka, nëse FIFA vendos ta dënojë atë.
Xhaka pas përfundimit të ndeshjes Zvicër – Serbi, të cilën Zvicra e fitoi me rezultatin 3:2, kishte festuar duke veshur fanellën e Ardon Jasharit.
Pacolli ka thënë se e ka kontaktuar Xhakën dhe i ka thënë se do t’ia paguajë gjobën.
“Nëse emri Jashari shqetëson FIFA-n apo botën dhe Granit Xhaka dënohet se ka mbajtur pas ndeshjes këtë emër të shenjtë, atë gjobë do ta paguaj personalisht unë, në emër të popullit shqiptar. Këtë ia kam njoftuar sot personalisht edhe Granitit. Tani ecim tutje dhe u urojmë atyre fat të vazhdueshëm kundër Portugalisë”, ka shkruar Pacolli në Facebook.
/s.f
