Një person i shpallur në kërkim për vrasje, është vënë në prangat e policisë kufitare të Hanit të Hotit.
Në vijim të punës për kapjen e personave në kërkim, gjatë kontrollit të imtësishëm në dalje të Republikës së Shqipërisë është ndaluar personi i shpallur në kërkim, M. Sh., 38 vjeç, banues në Shkodër.
Më datë 17 shkurt, Gjykata e Shkodrës i ka caktuar masën e sigurisë “Arrest në burg” në mungesë, për veprën penale “Vrasja për shkak të marrëdhënieve familjare, e kryer në bashkëpunim”.
Kjo pas u dha pasi në përfundim të hetimeve të bëra dhe në bazë të provave ligjore të siguruara, dyshohet se më datë 23 prill 2014 ka vrarë vëllanë e tij, K. Sh., i cili në momentet e para është deklaruar nga familjarët si i vetëvarur.
Ndaj 38-vjeçarit materialet iu referuan Prokurorisë së Shkodrës, për veprime të mëtejshme. /e.s/
