Një mjek është dhunuar nga disa persona në spitaline Vlorës. Ngjarja është regjistruar pasditen e djeshme në qytetin bregdetar, ku mjeku i urgjencës me inicialet F.G. është goditur nga familjarët e një pacienti që ndërroi jetë.
Pacienti ishte paraqitur pasditen e së premtes në spital, por pasi i janë bërë analizat dhe i është dhënë mjekimi është dërguar në shtëpi, por për fat të keq ka ndërruar jetë nga ataku kardiak. Familjarët e kanë dërguar në spital me shpejtësi, por më kot, pasi i afërmi i tyre kishte ndërruar jetë.
Për rastin familjarët kanë fajësuar mjekun të cilin e kanë goditur duke e dhunuar. Mjeku ka bërë kallëzimin në polici. Ky është rasti i gjashtë që shënohet në pak muaj, ndërsa qeveria ashpërsuar masat në draftin që po përgatit në Kodin Penal. / i.h
