Në familjen e 48 vjeçarit Festim Lato në lagjen Lirim të Vlorës janë hapur dyert e mortit. Një familje e madhe me 9 fëmijë, hynë dhe dalin të afërm dhe familjarë per ngushëllim.
Vëllai i madh i kësaj familje Xhemil Lato tregon se ende nuk e kane konfirmuar 100% se vëllai i tyre është vrarë.
Por janë duke pritur ADN ,ndërkohë po sipas një nga vëllezërve të Festimit ai tregon se tre fëmijët e Festimit nuk janë lejuar nga policia holandeze që të hyjnë në morg për verifikim e kufomës.
Po ashtu shtëpia kishte hapur dyert e mortit, por në portën e banesës 3 katëshe nuk kishte lajmërim nekrologjie.
Familjarët motrat dhe vëllezërit e Festimit janë jo vetëm të shqetësuar për humbjen e vëllait të tyre, por dhe të acaruar për ato që lexojnë në faqet e ndryshme në rrjetet sociale për të.
Kush është Festim Lato?
I vetëshpallur si ‘President i Republikës së Çamërisë’ ai lindi në Vlorë në vitin 1976, ndërsa jetonte në Holandë. Ai e fitoi shtetësinë holandeze, pasi u martua me një turke me shtetësi holandeze. Lato ishte vetëshpallur si ‘President i Republikës së Çamërisë’, ndërsa në Shqipëri ka një histori të gjatë me drejtësinë.
Ai është dënuar disa herë për mashtrim, pas denoncimeve nga shumë persona. Jo vetëm në Shqipëri, por edhe në Kosovë ai është denoncuar dhe akuzuar për mashtrim me mijëra euro, që u merrte qytetarëve të ndryshëm me justifikimin për kauzën e Çamërisë. Në profilin e tij në faqen e Facebook-ut ai ka publikuar disa foto nga aktivitetet që sipas tij realizonte në Bruksel dhe vende të tjera për kauzën çame.
Kundër tij nuk kanë munguar demaskimet për mbledhjen e fondeve përmes mashtrimeve, por që nuk kanë asgjë serioze për çështjen e shqiptarëve të Çamërisë. Historiani Arben Llalla në një shkrim në vitin 2017 e cilësonte si mashtrues që gënjente në emër cështjes çame.
