Jo vetëm aksion kundër bizneseve që nuk lëshojnë kuponin tatimor, por ndëshkim dhe procedim penal edhe për ata që falsifikojnë kuponat.
Policia e Elbasanit arrestoi shtetasin Vasil Mufali, i cili kryente aktivitet në tregtimin e druve.
Sipas Policisë, 56-vjeçari lëshonte kupona tatimor për mallin që shiste me vlerë më të ulët se realja.
Nga hetimet rezulton se vlera e kuponave që lëshonte ky shtetas ishte deri në 10-fish më e ulët se vlera reale.
Ja njoftimi i plotë i Policisë së Elbasanit
Njoftim për shtyp
Elbasan
Operacion nga Sektori Kundër Krimit Ekonomik dhe Financiar
Arrestohet në flagrancë poseduesi i druve, i cili lëshonte kupona tatimorë me vlerë më të ulët se vlera reale.
Specialistët Kundër Krimit Ekonomik dhe Financiar , në Drejtorinë Vendore të Policisë Elbasan, bënë arrestimin në flagrancë të shtetasit:
– Vasil Mufali, vjeç 56, banues në fshatin Gjinar Elbasan.
Nga informacionet e marra në rrugë operative dhe gjatë një kontrrolli të ushtruar nga efektivat e policisë, në fushën e tregëtimit të lëndëve drusore, u konstatua se ky shtetas, jepte kupona tatimorë me 10-fishin më të ulët se vlera reale që shiste lëndën drusore si dhe janë gjetur fatura tatimore të cilat nuk janë të regjistruara dhe të deklaruara pranë Drejtorisë Rajonale Tatimore Elbasan.
Materialet i’u kaluan Prokurorisë së Rrethit Gjyqësor Elbasan për veprime të mëtejshme për veprat penale “Fshehja e të ardhurave” dhe “Fallsifikimi i dokumentave” parashikuar nga nenet 180 dhe 186 të Kodit Penal.
