Presidenti Ilir Meta thotë se është bërë një përpjekje për të finalizuar një grusht shteti kundër kreut të shtetit. Në një deklaratë për mediat, Meta tha se e gjithë procedura e falsifikimit të dokumenteve nga Kuvendi ishte një proces mafioz.
Sipas tij të gjitha provat e falsifikuara treguan sesi funksionte parlamenti nje partiak i para 25 prillit, por edhe ky parlamenti aktual me opozite.
“Si konkluzion kjo është një padi shumë e rëndësishme për arsye se krimi i falsifikimit është shumë flagrant, ndodh për herë të parë në një seancë publike të Gjykatës Kushtetuese nga Kuvendi i Shqipërisë në një proces që ndodh për herë të parë në 30 vite kundër Presidentit. Ky krim, falsifikim tregon shumë qartë jo vetëm si ka funksionuar Kuvendi një partiak deri para 25 prillit, por është një dramë sesi po funksionin edhe ky kuvend me opozitë. Prandaj këtu kemi të bëjmë me themelet e republikës që janë tronditur rëndë. Nëse presidenti i atij vendit të nderuar të atij vendi të BE doli me popullin për të kundërshtuar një ligj të konfliktit të interesave dhe deklaroi që ky ligj është nisja e një grushti shteti, çfarë mund të themi pas atyre historive të falsifikimeve që kanë ndodhur në vendin tonë gjatë këtyre viteve përfshire edhe ndërtimin e institucioneve të drejtësie
Është e qartë që kjo përpjekje, kjo provë e re që askush nuk e kërkon që vjen pas 8 muajsh, kur procedura ka qenë e qartë dhe antikushtetuese dhe e falsifikuar nga Kuvendi një partiak i shkarkuar në 25 prill, sepse vetëm 40 deputete nga ata qe votuan ne parlamentin e shkuar jane aktualisht.
Ky akt falsifikimi që kërkon të ligjërojë gjoja procedurën brenda afateve, një procedurë mafioze, nuk është gjë tjetër veçse përpjeke për të finalizuar një grusht shteti kundër kreut të shteti.”, tha Meta.
g.kosovari
